兜圈撐無綫？徐子珊唔恨返大陸搵銀

游志颖

【on.cc東網專訊】 無綫花旦徐子珊以代言人身份，出席美容品牌旗艦店開幕，穿上低胸裙露「微波」的她，「峰」頭比同場以Deep V紅裙哂三吋事業線的羅霖蓋過，子珊亦笑言自己輸哂：「唔好比較啦，姐姐出名身材好。（請教佢？）天生架，有幾多得幾多，咪投訴喇，媽媽嬲架。（墊吓？）唔識，我覺得着衫靚就得。（學羅霖做機？）冇問佢做乜，等我向佢參詳吓。」
擔心黃浩然病情
她又自言已開始食素一周，希望身體更健康，現在拍劇也精神得多，問可會擔心胸部變細？子珊笑謂：「冇所謂啦，本來都唔大，唔會差好遠。」談到黃浩然患「貝賽特氏症」入院，曾合作過的她感到很愕然：「希望佢冇事啦。（可能會失明？）會問吓佢乜嘢情況，咁好嚴重，佢小朋友又咁細個，自己都會注意健康，我好驚死。」
唔恨返大陸搵銀
有傳胡杏兒有意離巢往大陸發展，問到可覺有更多機會？她笑道：「仲有好多人，我算得啲乜，只係冰山一角。（攞埋視后先走？）唔關事，如果十年後攞唔到都退休，老咗冇人要，變甘草喇。（恨返大陸賺人仔？）上次去大陸返嚟病咗入院，我驚自己捱唔住，因為我有思鄉病。」她盼有更多公司同事留低，不會影響大家士氣。

WLAaT

每个人有每个人的想法